លោក ប៉ា សុជាតិវង្ស ស្នើថា បើមិនចាំបាច់គួរកុំចេញពីផ្ទះនៅថ្ងៃទី២ ខែមិថុនា ឆ្នាំ២០១៧ ខាងមុននេះ
ភ្នំពេញ ៖ អភិបាលរាជធានីភ្នំពេញ លោក ប៉ា សុជាតិវង្ស បានស្នើឲ្យប្រជាពលរដ្ឋទាំងអស់ ដែលរស់នៅក្នុងទីក្រុងភ្នំពេញ បើមិនមានការងារអ្វីសំខាន់ ឬចាំបាច់ទេ មិនគួរចេញពីផ្ទះទេ នៅថ្ងៃបញ្ចប់ការឃោសនាបោះឆ្នោតក្រុមប្រឹក្សា ឃុំ សង្កាត់នៅថ្ងៃទី២ មិថុនា ខាងមុខនេះ ទន្ទឹមនឹងមានការចូលរួមពីមនុស្សម្នាដ៏ច្រើនលើសលប់អាចបង្កឲ្យមានការកកស្ទះចរាចរណ៍ ។
ការស្នើរបស់លោក ប៉ា សុជាតិវង្ស បែបនេះធ្វើឡើងនៅព្រឹកថ្ងៃទី៣១ ឧសភា នេះ ខណៈដែលលោកអញ្ជើញជាអធិបតីភាព ក្នុងពិធីសំណេះសំណាលជាមួយប្រជាពលរដ្ឋ និងការត្រួតពិនិត្យលទ្ធផលការដ្ឋានដាក់លូ និងស្ថាបនាផ្លូវលេខ៧៧BT ប្រវែងជិត៣ គីឡូម៉ែត្រ នៅខណ្ឌមានជ័យ ។
លោក ប៉ា សុជាតិវង្ស បានសម្តែងការជឿជាក់ថា នៅថ្ងៃបញ្ចប់ការឃោសនាបោះឆ្នោតក្រុមប្រឹក្សា ឃុំ សង្កាត់ ដែលនឹងប្រព្រឹត្តិទៅនៅថ្ងៃ ២ មិថុនា ខាងមុខនេះ រាជធានីភ្នំពេញនឹងមានសន្តិសុខសណ្តាប់ធ្នាប់ល្អប្រសើរ ដោយហេតុថា ក្នុងរយៈពេលប៉ុន្មានថ្ងៃកន្លងមកនេះ ការឃោសនារកសំឡេងឆ្នោតរបស់គណបក្សនយោបាយនានា ហាក់ដំណើរការទៅដោយរលូនមិនមានអ្វីគួរឲ្យកត់សម្គាល់ឡើយ។ ការដំណើរល្អបែបនេះ ក៏ដោយសារតែបក្សនយោបាយនីមួយៗ ពួកគាត់សុទ្ធតែជាមនុស្ស ដែលចាស់ទុំលើផ្នែកនយោបាយ ។ ដូច្នេះទេ លោករំពឹងថា ថ្ងៃ២ មិថុនា ខាងមុខនេះ រាជធានីភ្នំពេញនឹងដំណើរការទៅដោយល្អប្រសើរ មិនមានហិង្សា ។
គួរបញ្ជាក់ផងដែរថា ជុំវិញការដង្ហែលក្បួននេះ ដើម្បីបញ្ជៀសការកកស្ទះចរាចរណ៍ រដ្ឋបាលរាជធានីភ្នំពេញ ក៏បានចេញសេចក្តីជូនដំណឹងមួយផងដែរ ដើម្បីឲ្យប្រជាពលរដ្ឋបានដឹងជាមុន និងបានវៀងផ្លូវកុំឲ្យមានការកកស្ទះចរាចរណ៍ ហើយក្នុងថ្ងៃបញ្ចប់នេះ បើតាមគម្រោងក្បួនដង្ហែរបស់គណបក្សប្រជាជនកម្ពុជានៅរាជធានីភ្នំពេញ នឹងមានមនុស្សចូលរួមប្រមាណ១៥ម៉ឺននាក់ ។
បើយោងតាមសេចក្តីជូនដំណឹងនៅថ្ងៃ៣០ ឧសភា របស់រដ្ឋបាលរាជធានីភ្នំពេញ គឺនៅថ្ងៃទី២ មិថុនាខាងមុខនេះ គណៈកម្មាធិការគណៈបក្សប្រជាជនកម្ពុជានឹងធ្វើការដង្ហែលក្បូនមហាជនបិទការឃោសនាបោះឆ្នោតក្រុមប្រឹក្សា ឃុំ សង្កាត់ អាណត្តិទី៤ ឆ្នាំ២០១៧ ដោយជូបជុំសកម្មជន សមាជិក សមាជិការ គណបក្សប្រជាជនកម្ពុជា នៅលើបណ្តោយមហាវិថី ហ៊ុន សែន ហៅផ្លូវ៦០ម៉ែត្រ ស្ថិតក្នុងសង្កាត់ចាក់អង្រែលើ ខណ្ឌមានជ័យ ដោយចេញតាមផ្លូវមុនីវង្ស រហូតដល់រង្វង់មូលជ្រោយចង្វាត្រើយខាងលិច បត់ឆ្វេងតាមផ្លូវលេខ៧០ ផ្លូវ២៧៣ បត់ឆ្វេងតាមផ្លូវ៥១៦ បត់ឆ្វេងតាមផ្លូវ២៨៩ បន្តដំណើរតាមក្រោមស្ពានអាកាស៥មករា មហាវិថីម៉ៅ សេទុង ដល់ស្តុបទេពផន បត់ស្តាំ តាមផ្លូវ១៨២ និងបត់ឆ្វេងតាមផ្លូវលេខ២៧១ ដល់ស្ពានស្ទឹងមានជ័យ បត់ស្តាំមកផ្លូវវែង ស្រេង ដល់រង្វង់មូលចោមចៅ រួចក្បួនរំសាយទៅដង្ហែតាមភូមិសាស្ត្រខណ្ឌរៀងៗខ្លួន ៕
ការស្នើរបស់លោក ប៉ា សុជាតិវង្ស បែបនេះធ្វើឡើងនៅព្រឹកថ្ងៃទី៣១ ឧសភា នេះ ខណៈដែលលោកអញ្ជើញជាអធិបតីភាព ក្នុងពិធីសំណេះសំណាលជាមួយប្រជាពលរដ្ឋ និងការត្រួតពិនិត្យលទ្ធផលការដ្ឋានដាក់លូ និងស្ថាបនាផ្លូវលេខ៧៧BT ប្រវែងជិត៣ គីឡូម៉ែត្រ នៅខណ្ឌមានជ័យ ។
លោក ប៉ា សុជាតិវង្ស បានសម្តែងការជឿជាក់ថា នៅថ្ងៃបញ្ចប់ការឃោសនាបោះឆ្នោតក្រុមប្រឹក្សា ឃុំ សង្កាត់ ដែលនឹងប្រព្រឹត្តិទៅនៅថ្ងៃ ២ មិថុនា ខាងមុខនេះ រាជធានីភ្នំពេញនឹងមានសន្តិសុខសណ្តាប់ធ្នាប់ល្អប្រសើរ ដោយហេតុថា ក្នុងរយៈពេលប៉ុន្មានថ្ងៃកន្លងមកនេះ ការឃោសនារកសំឡេងឆ្នោតរបស់គណបក្សនយោបាយនានា ហាក់ដំណើរការទៅដោយរលូនមិនមានអ្វីគួរឲ្យកត់សម្គាល់ឡើយ។ ការដំណើរល្អបែបនេះ ក៏ដោយសារតែបក្សនយោបាយនីមួយៗ ពួកគាត់សុទ្ធតែជាមនុស្ស ដែលចាស់ទុំលើផ្នែកនយោបាយ ។ ដូច្នេះទេ លោករំពឹងថា ថ្ងៃ២ មិថុនា ខាងមុខនេះ រាជធានីភ្នំពេញនឹងដំណើរការទៅដោយល្អប្រសើរ មិនមានហិង្សា ។
គួរបញ្ជាក់ផងដែរថា ជុំវិញការដង្ហែលក្បួននេះ ដើម្បីបញ្ជៀសការកកស្ទះចរាចរណ៍ រដ្ឋបាលរាជធានីភ្នំពេញ ក៏បានចេញសេចក្តីជូនដំណឹងមួយផងដែរ ដើម្បីឲ្យប្រជាពលរដ្ឋបានដឹងជាមុន និងបានវៀងផ្លូវកុំឲ្យមានការកកស្ទះចរាចរណ៍ ហើយក្នុងថ្ងៃបញ្ចប់នេះ បើតាមគម្រោងក្បួនដង្ហែរបស់គណបក្សប្រជាជនកម្ពុជានៅរាជធានីភ្នំពេញ នឹងមានមនុស្សចូលរួមប្រមាណ១៥ម៉ឺននាក់ ។
បើយោងតាមសេចក្តីជូនដំណឹងនៅថ្ងៃ៣០ ឧសភា របស់រដ្ឋបាលរាជធានីភ្នំពេញ គឺនៅថ្ងៃទី២ មិថុនាខាងមុខនេះ គណៈកម្មាធិការគណៈបក្សប្រជាជនកម្ពុជានឹងធ្វើការដង្ហែលក្បូនមហាជនបិទការឃោសនាបោះឆ្នោតក្រុមប្រឹក្សា ឃុំ សង្កាត់ អាណត្តិទី៤ ឆ្នាំ២០១៧ ដោយជូបជុំសកម្មជន សមាជិក សមាជិការ គណបក្សប្រជាជនកម្ពុជា នៅលើបណ្តោយមហាវិថី ហ៊ុន សែន ហៅផ្លូវ៦០ម៉ែត្រ ស្ថិតក្នុងសង្កាត់ចាក់អង្រែលើ ខណ្ឌមានជ័យ ដោយចេញតាមផ្លូវមុនីវង្ស រហូតដល់រង្វង់មូលជ្រោយចង្វាត្រើយខាងលិច បត់ឆ្វេងតាមផ្លូវលេខ៧០ ផ្លូវ២៧៣ បត់ឆ្វេងតាមផ្លូវ៥១៦ បត់ឆ្វេងតាមផ្លូវ២៨៩ បន្តដំណើរតាមក្រោមស្ពានអាកាស៥មករា មហាវិថីម៉ៅ សេទុង ដល់ស្តុបទេពផន បត់ស្តាំ តាមផ្លូវ១៨២ និងបត់ឆ្វេងតាមផ្លូវលេខ២៧១ ដល់ស្ពានស្ទឹងមានជ័យ បត់ស្តាំមកផ្លូវវែង ស្រេង ដល់រង្វង់មូលចោមចៅ រួចក្បួនរំសាយទៅដង្ហែតាមភូមិសាស្ត្រខណ្ឌរៀងៗខ្លួន ៕
Post a Comment